شبكة منتديات هواره منتدي هواره

نبدأ من الصفر حتي نصل إلي المليون
 
الرئيسيةاليوميةس .و .جبحـثقائمة الاعضاءالمجموعاتالتسجيلدخولاتصل بنا
لمشاهدة  اسهل  طريقه  للربح  من الانترنت  اضغط هنا

شاطر | 
 

  حاجات مش بناخد بالنا منهاااا .. بس بتلفت نظر الراجل اوووووووووووي

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
الزهراء
مرشح لفريق الابداع
مرشح لفريق الابداع


المهنه : استاذ
المزاج : بفكر
الجنس : انثى بلدي : مصر
محافظة : قنا
عدد المساهمات : 266
نقاط : 784
تاريخ الميلاد : 04/05/1980
تاريخ التسجيل : 06/04/2012
العمر : 36

مُساهمةموضوع: حاجات مش بناخد بالنا منهاااا .. بس بتلفت نظر الراجل اوووووووووووي   السبت أبريل 07, 2012 5:45 pm

خد بالها من الحاجات دددددددي


بصي ياحبيبتي منك ليها اول حاجة لازم تعرفي ان الراجل بيحب الاول بعنيه يعني دايما بتلفت نظره الحاجه الحلووووووة يعني لازم دايمآ يشوفك مهتمية بمظهرك و شكلك ادامه بس اهتمام داخلي و خارجي يعني مش من بره هالله هالله و من جوة يعلم الله ههههههههههههههههه فاهمني طبعاااااا يعني مش تبقي لابسة و مظبطه نفسك و فجأة كم البادي يترفع يظهر شعر امنا الغولة هههههههههههههه بجد موقف هيبقي وحش اوي ساعتها لو هو اخد باله




ندخل في الموضوع بقي مش عارفه انا رغاية ليه النهارة

اولااااا: الاهتمام بنضافة السناااااااان يعني مش تبقي اكلة ملوخية و خطيبك ييجي يلاقي سنانك كلها منقطة اخضرررر يقولك ايه ده يا حبيبتي قوليله ده ترتر يا روحي
يعني لازم علطول تغسلي سنانك و عشان خاطري بلاش البصل قبل ماييجي و لو مامتك عازماه و عامله اكل فيه توم او بصل بلاااااااش مش وقته خالص يعني.

2: لازم ريحة نفسك تبقي حلووووة بجد دي اهم حاجه عشان في ناس كتير بيبقي عندها مشاكل في سنانها او عندها جيوب انفية فابتلاقي غصب عنهم نفسهم ريحته مش حلوة فاحاولي دايما يكون جنبك كلورتس بجد بتخلي ريحه النفس حلوة اوي و حاولي كل شويه تغيريها و بعد الاكل وكده بس ياريت تاكليها براحة بلاش الطرقعة و البلالين و الحاجات الغريبة وبلاش والنبي تفتحي بؤك عالاخر وانتي بتاكليها ماحنا مش داخلين حرب
دي مش عايزيين الولد يطفش ههههه و برضو في معطرات للفم حلوة اوي بتترش زي السبراي خلي بالكوا يا ****** النقطه دي مهمه اوووووووووووي .

3: ريحه العررررررررق ياريت قبل ماييجي او تنزلي معاه لو مسموح انكوا تخرجوا يعني او حتي في الزيارة عند اهله خلي بالك اوي من ريحه العرق يعني خدي شاور كده قبل ماتشوفيه و حطي مزيل عرق او كريم فيبكس عشان تبقي اعدة واثقة في نفسك و خلي دايما في شنطتك برفان او سبراي عشان لو حصل حاجه تنقذي الموقف مش اول ماترفعي دراعك الولد يغمي عليه ويروح فيها هههههههههههه.

4: بمناسبة ريحه العرق بقي في برضو ناس مع العرق ممكن الشوز يعمل ريحة مش مرغوب فيها طبعا و بالذات اننا بنات مايصحش حد يلاحظ حاجه زي دي فحاولي لو واحده عندها المشكله دي تجيب بودر او كريم فطريات او سبراي لريحه القدم يعني ماتبقيش رايحه لمامته و اول ما تقلعي الشوز ريحته تطلع زي برطمان الفسيخ هههههههه و برضو حاولي ماتكرريش لبس الشراب اكتر من مره..

5:الضواااااااااااافر ودي نقطه مهمه جدا برضو عشان في ولاد بيلفت نظرهم اوي ضوافر البنت يعني لازم تهتمي بنضافة ضوافرك اوي و تبرديها مش لازم يعني تحطي مانكير عشان الصلاه وكده ممكن تعملي حنه او حتي حطي مانكير و بعدين شيليه لما تيجي تصلي و اهتمي اوي بشكل ايدك يعني لازم يحس بفرق بين ايدك و بين ايد صاحه هههههههه

6: خالوا بالكوا كمان من نقطة مهمة اوي يا فتوكاااات الشعرررررررر اللي بيبقي في كف الايد او في الايد عمومااا لو انتي مش عاملة سويت حاولي ماتبينيش ايدك خالص عشان لو حاجه زي دي لفتت نظره هيبقي الشكل العام مش كويس خالص و فقدتي رونقك و حاولي تهتمي بكف الايد بالذات عشان بيبقي باين اوي و لو عندك براون يبقي تمام ممكن تعملي كف الايد بيها بتنجز برضو ابوس ايدك اوعي تفضحينا :@

7: برضو الشعر اللي في الوش و فوق الشفايف و الحواجب بيبقي ملفت جداااا واللي هتقولي مش بعمل حواجبي هقولها شقريها و اللي وشها حساس مش بتقدر تعمله بالسويت او الفتله برضو ممكن تشقريه واهتمي انك تزيلي شعر المناخير و فوق الشفايف و خصوصا ان الحاجات دي بتظر اوي لو انتوا خارجين الصبح بيبقي واضح زي الشمس احنا بنااااااات مش رجاله لازم تهتمي اوي بموضو ع ازاله الشعر اوي عشان في رجاله كتير بتقرف منه اللهم اني بلغت اللهم فاشهد

8: اللبس .. طبعا هدومك كلها لازم تكون نضيفة و مكويه وريحتها حلوة يعني مش يكون الدولاب فوق بعضه و الهدوم مكرمشه و تقومي تلبسيها لالالالا اوعي والله في اختراع اسمه مكوااااه مش مطلعه البادي من الخلاط و تلبسيه ينفع كده. ولا تكوني ضاربة ساندوتش فول قبل ماييجي و يبص يلاقي بقعة تسد عين الشمس علي هدومك هههههههه

9: لازم برضو النضافه تبقي من جوة ومن بره يعني برضو مش هدومك بس اللي بره هي اللي نضيفه و مرتبه لازم برضو الملابس الداخليه تكون نضيفه و بتبرق هتقوليلي و هو هيشوفها فين بسلامته هقولك لا عشان تبقي اعده واثقة في نفسك من كله و يبقي عندك احساس بالراحه و تبقي هدومك كلها ريحتها حلوة

10:الرجلييييييين: لازم يا ****** يا حلوين انتوا نهتم بالرجلين اوي يعني تبقي عملاها باديكير كده و مظبطاها مش ييجي يبص علي رجلك يلاقي حوافر يروح مخضوض و يطلع يجري ههههههه لالالا لازم بجد عشان دي نقطه مهمة وفي ولاد بتهتم اوي بشكل الايد و الرجلين مش نهتم بوشنا و نسيب الباقي لازم تبقي انثي في كل حاجه

11:طريقة اكلك لازم تكون برااااااحه وعلي مهلك ماهو محدش بيجري وراكي
ولازم تحسسيه بفرق بينه و بينه في طريقه الاكل يعنيتحسسيه انك بسكوته كده و عاملة زي البيبيهات هتلاقيه هو بيأكلك بأيدة والله و بالذات لما تكوني معزومه عندهم حاولي تنقنقي ههههه مش لازم تاكلي يني ابقي روحي كملي في البيت صح ولا اييييييييييه

12: ايااااكي ايااااااااكي و الصوت العالي خليكي دايما بنوتة رقيقة و صوتك عامل زي الهمس لان بجد كل الولاد بتتنرفز اوي من الموضوع ده بيبقي عايز يحس انه بيكلم بنت مش واحد صاحبه علشان كمان لو صادفت في شغله انه شف بنت رقيقة او شاف خطيبة صاحبة مثلا مايقولش شايف البنات دانا سايب عسكري مرور اعد في البيت ههههههههه فاخلي بالك من النقطه دي.

13: كمان الفاظك ياريت ياريت يارررررررريت بلاش المصطلحات الغريبة اللي طالعه اليومين دول اشطه يا عم و يا معلم و يا باشا والحاجات الغريبة دي اه ممكن بينا و بين بعض لكن مش ادام خطيبك خالص ما بدل ما يكلمك بقي يروح يعد مع بواب العمارة ساعتها مش هيحس بفرق كتير علي الاقل البواب هيعمله كباية شاي يشربها هههههههه

14:برضو مش تبقي اعده ادامه تلاقي نموسه قرصتك تعدي تهرشي كده ولا تعدي تهرشي في شعرك عصر القمل انتهي خلاص وهتلاقيه بيدور وشه الناحيه التانيه خايف حاجه تطير عليه



15: خلاص ظبطي نفسك واخدتي شاور و غيرتي هدومك وكله تمام تمام وزي الفل نيجي بقي لنقطه مهمممممة اوي ودي بتبقي عنوان اي ست ...............,,,, الاهتمام بنظافه البيت يعني مش يبقي خطيبك جاي و يبقي البيت مقلوب كأنه كان فيه مصارعه تيران من شويه .. يعني اهتمي بنظافة البيت و خصوصاااا خصوصاااااا الحمام اهتمي اوي انه يكون نضيف و بيبرق ماتخلهوش ياخد عنك وعن مامتك فكره مش كويسه وافضلي لفي كده في الشقه و شوفي ايه اللي ناقص واللي عايز يترتب و اعمليه ماتعديش مستنيه مامتك تعمل كل حاجه هي هتعمل ايه ولا ايه

عشان احنا مش مفتريين يا ****** صح

16: اخر نقطه بقي حاولي تخلي اهلك يدلعوكي شويه ادامه يعني بلاش يا بت و يا زفته و الحاجات دي عشان بتلزق في مخ الراجل و هيطلع عينك بعد كده ههههههه لازم تحسسيه انك بونبونايه البيت و انك متدلعه عشان هو يتعود علي كده و يعرف يعاملك بأسلوب حلو مايجيش يقولك حاجه تزعلي منها يروح قايلك يا سلاااام مانتي دايما اهلك كانوا بيقولولك كده وبلاش تجري تحكيله كل حاجه حصلت و المشاكل بتاعة البيت وماهي مش كل حاجة تتقال صح ولا ايه نخلي منظرنا دايما حلو و منظر اهالينا حلو عشان مانتعبش في الاخر و نفضل عاليين في نظرهم طول العمرررر .......

معلش يا ****** طولت عليكوا بس انا برضو بعد الخطوبة نصايح كتير اخدتها من ناس عندهم خبرة اكتر مني و حاجات كتير لاحظتها ان خطيبي و اي راجل بيحب يشوفها في شريكة عمرة وحبيت ان كلكوا تلتفتوا ليها وتاخدوا بالكوا منها عشان دايما يكون شكلنا حلو ادام خطابناااا و ياريت محدش يزعل من هزاري

* واوعي منك ليها تنسي التقييم هعرفك يعني هعرفك ياللي مش هتقمي انتي انا والله تعبت اوي في الموضو و ياريت لو واحده حابه تنقله تقول مصدره عيب كده مافيناش من الحركات دي وادعولي بقي كلكوا ربنا يجمعني بخطيبي علي خير يارب ]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
العربيه
مرشح لفريق الابداع
مرشح لفريق الابداع


المهنه : محامي
المزاج : رايقه
الجنس : انثى بلدي : مصر
محافظة : eeeeeee
عدد المساهمات : 2040
نقاط : 2058
تاريخ الميلاد : 26/01/1991
تاريخ التسجيل : 28/09/2012
العمر : 25

مُساهمةموضوع: رد: حاجات مش بناخد بالنا منهاااا .. بس بتلفت نظر الراجل اوووووووووووي   السبت سبتمبر 29, 2012 2:04 am

يعطيكي العافية
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
4khir
مرشح لفريق الابداع
مرشح لفريق الابداع


المهنه : مزارع
المزاج : رومانسي
الجنس : ذكر بلدي : مصر
محافظة : hghghg
عدد المساهمات : 500
نقاط : 500
تاريخ الميلاد : 18/11/1991
تاريخ التسجيل : 04/10/2012
العمر : 25

مُساهمةموضوع: رد: حاجات مش بناخد بالنا منهاااا .. بس بتلفت نظر الراجل اوووووووووووي   الإثنين أكتوبر 08, 2012 12:25 am

وماذا يمنع أن تنجو من كل ما يعصف بها ؟
اللامحسوس و القادم سيكون أجمل
فهذا ديدن البساطة
سهل على القلوب هضمها
و على الأرواح تشربها
تألفها المشاعر بسهولة
و يستسيغها وجداننا كالشهد
كذاك كان ردكـ اخـــــــي وصديقي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
nada22
مرشح لفريق الابداع
مرشح لفريق الابداع


المهنه : مزارع
المزاج : رايقه
الجنس : انثى بلدي : مصر
محافظة : الشرقية
عدد المساهمات : 600
نقاط : 600
تاريخ الميلاد : 02/03/1991
تاريخ التسجيل : 13/11/2012
العمر : 25

مُساهمةموضوع: رد: حاجات مش بناخد بالنا منهاااا .. بس بتلفت نظر الراجل اوووووووووووي   الجمعة نوفمبر 16, 2012 6:18 pm

مأراوع قلمك حين يصول ويجول

بين الكلمات تختار الحروف بكل أتقان ..

تصيغ لنا من الأبداع سطور تُبهر كل من ينظر إليها ..

دائمآانتي متألقه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
noha mohamed
مرشح لفريق الابداع
مرشح لفريق الابداع


المهنه : مبرمج
المزاج : رايقه
الجنس : انثى بلدي : مصر
محافظة : القاهره
عدد المساهمات : 1787
نقاط : 1791
تاريخ الميلاد : 04/04/1995
تاريخ التسجيل : 29/01/2013
العمر : 21

مُساهمةموضوع: رد: حاجات مش بناخد بالنا منهاااا .. بس بتلفت نظر الراجل اوووووووووووي   الأربعاء فبراير 06, 2013 9:01 pm

يسلمو للانتقاء

نصائح قيمه

يعطيك العافيه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
حاجات مش بناخد بالنا منهاااا .. بس بتلفت نظر الراجل اوووووووووووي
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شبكة منتديات هواره منتدي هواره :: الاسره العربيه :: عالم حواء-
انتقل الى: